D Überraschig isch gross gsi, wo de Ratspräsident am Tsischtig, 22. Juni 2021 d Ratssitzig in de Umwältarena eröffnet het. Di beschtgwählti Grossrätin vom Aargau tritt zruck.

Wi de Grossratspräsident Pascal Furer bi de hütige Sitzig z Spreitebach mitteild het, tritt d Michaela Huser us em Grosse Rat zruck. Nochfolger im Grosse Rat wird de Patrick Frei vo Untersiggetal. Uf Facebook und Twitter teild si mit, dass si sich als werdendi Muetter uf ihri Familie, de Bruef und d Politik uf kommunaler Ebeni wot konzentriere. Au wenn si also em Iiwohnerrat erhalte blibd, wird si s Fraktionspräsidium dete a de Martin Fricker abgeh.