Z Killwange isch es Firmefahrzüüg halb ineme Roggefäld gfunde worde. D Polizei wot usefinde, was passiert isch.

Am Sunntig, 20. Juni 2021, churz vor de Sibni am Morge het sich e Drittperson bi de Polizei gmeld und mitteild, dass z Killwange im Wiesland a de Brüehlstrass es Fahrzüüg stoht. D Patrouille, wo ufbote worde isch, het ineme Roggefeld es Firmefahrzüüg gfunde, aber kein Fahrzüüglenker.

Wer gfahre isch und warum s Fahrzüüg dete abgstellt worde isch, isch bis jetzt ned bekannt. D Polizei cha e Strolchefahrt ned usschlüsse.

Nach erschte Erkenntnis isch s Fahrzüüg um Viertelabeis am Morge losgfahre. Persone, wo Aagabe zum Vorfall chönd mache, selled sich bi de Mobile Einsatzpolizei z Schafise (Tel. 062 886 88 88) melde.