D Polizei het am Sunntig, 14. März 2021 vernoh, dass z Riede es Lokal göffnet het. Meh wi 60 Persone sind dete verwütscht worde.
Es isch e Meldig vonere Drittperson gsi, wo d Polizei uf das Lokal z Riede ufmerksam gmachd het. Mehreri Patrouille hend s Lokal, wo eigentli müesst gschlosse ha, kontrolliert. Meh wi 60 Persone sind dete verwütscht worde, wi d Kantonspolizei inere Mediemitteilig schribd. Teilwiis hend si sich versteckt gha, was an en Vorfall z Spreitebach erinnerd. Alli awesende Persone sind wege Widerhandlig gege d Covid-19-Gsetzgebig mitere Ordnigsbuess belegt worde, d Betriiber vom Lokal sind bi de Staatsaawaltschaft verzeiged worde.

D Kantonspolizei Aargau rüeft dezu uf, im Interesse vonere raschmögliche Bewältigung vo de Pandemie, d Vorschrifte mitzträge und konsequent iizhalte.