Am Fritig, 26. Februar 2021 isch z Obersiggethal ineme Baustelleberich es Auto verunfallt. E 66-jährigi, alkoholisierti Lenkeri het d Herrschaft über ihres Fahrzüüg verlore.

Es isch öppe churz vor de Achti am Abe gsi, wo en Automobilistin vo Freiewil Richtig Ännetbade gfahre isch. Im Berich vo de Baustell het di Gründ, wo me no ned weiss, d Herrschaft über ihres Fahrzüüg verlore. Si isch den mit de Baustelleabschrankig und eme Kandelaber zämme gstosse. En Baum het letztendlich d Fahrt gestoppt, schriibd d Kantonspolizei.
Di 66-jährigi und de Beifahrer hend sich ned verletzt, aber de Sachschade beziffered sich uf mehreri tuusig Franke.

Bim Atemalkoholtest isch en Wert vo 1.16 mg/l gmesse worde, so dass Staatsawaltschaft en Bluettest aagordned het und d Frau de Führeruswiis het müesse abgeh.