Wi s Badener Tagblatt melded, het d Polizei inere Shishabar knapp 40 Persone verwütscht. Scho dass si offe gha het, isch illegal gsi.

S Badener Tagblatt schriibd, d Polizei sig am Samstig, 30. Januar 2021 durch e Drittperson informiert worde, dass z Spreitebach e Shishabar offe sig. D Polizeipatrouille, wo usgrückt sind, sind aber ned in d Bar inneglah worde, so dass es en Durchsuechigsbefehl vo de Staatsaawaltschaft bruuchd het, um d Ligeschaft z durchsueche. D Türe i de Bar hend teilwiis vomene Schlüsseldienst göffned werde müesse. Knapp 40 Persone het d Polizei ufgfunde, wo sich teilwiis versteckt gha hend.

Wil d Möglichkeit zum Usspräche vonere Buess am Samschtig no ned geh het, wird jede Einzelfall vo de Staatsaawaltschaft einzel nach em Artikel 106, Abs. 3 vom Strafgsetzbuch beurteilt.