Wi Radio Argovia und s Badener Tagblatt melded, isch i de Limmig bi Würelos am Tsischtig, 26. Januar 2021 en Lichnam gfunde worde. D Polizei isch zueme Grossiisatz usgruckt.
Es isch kurz vor de Zwöi am Namittag gsi, wo bi de Polizei d Meldig vom Fund vomene Tote iigange isch, zitiert s Badener Tagblatt d Mediesprecheri vo de Kantonspolizei (Kapo), d Aline Rey. In de Uferböschig, teilwiis im Wasser, het d Polizei di Lich ufgfunde. Ufnahme vo Tele M1 zeiged, dass d Füürwehr Wettige mit ihrem Boot, wo vo de Kapo für Personebergige und s Absueche vo Gwässer cha aagfordered werde, am Iisatz beteiliged gsi isch.
In de Zwüschezit goht Kapo vomene Tötigsdelikt us. Über d Identität vom Tote gits no kei Informatione.