En unbekannte Maa het am Fritig am Abe d Volg-Filiale z Gäbischtorf überfalle. D Kantonspolizei suecht Züüge.
Es isch öppe Halbisibni am Abe gsi, wo en unbekannte Maa am Fritig, 22. Januar 2021 d Volg-Filiale z Gäbischtof beträte het. A de Kasse het er vo de Verkäuferi Bargeld gfordered und isch dann in unbekannti Richtig gflüchted. D Deliktsumme sind einigi tuusig Franke, wi d Kantonspolizei mitteild.
D Polizei het umgehend e Grossfahndig iigleited, an dere nebe Partouille vo de Kapo au d Regionalpolizei und s Grenzwachtkorps beteiliged gsi isch.D Fahndig isch aber erfolglos blibe.
D Staatsaawaltschaft het es Verfahre iigleited und d Kapo suecht Züüge, wo verdächtigi Beobachtige gmach oder Aagabe zum Täter chönnd mache. Er isch zwüsche 160 und 170 cm gross gsi, het Arbeitschleidig mitete uffällige orange Jacke, e blau-orange Hose und wiisi Turnschueh aagha. Uf em Chopf het er e schwarzi Chappe gha und vor em Gsicht e schwarzi Maske. Hiwiis nimmd de Ermittligsdienscht Nord z Bade (Tel. 056 200 11 11) entgege.