Wi d Kantonspolizei Aargau mitteild, isch es z Bade zueme Unfall zwüscheme Güeterzug und eme Auto cho. Verletzt worde isch niemed, s Auto het aber en Totalschade.
Am Fritig, 23. Oktober 2020 isch es öppe um di Halbiachti am Morge zueme ungwöhnliche Unfall cho. Es Automobilist het sin Smart uf em Parkplatz vo sim Arbeitgeber a de Bruggerstross z Bade abgstellt. Später het me chönne feschtstelle, dass er weder d Handbrems aazoge, noch s Getriebe in Parkposition gstellt het. De Smart isch dann unbemerkt losgrollt, wil de Platz in Richtig Böschig zu de Bahngleis licht durab goht. S Auto isch dann d Böschig durab und isch uf em Bahngleis stoh blibe. In dem Augeblick isch en Güeterzug cho, wo de Smart gstreift het. Verletzt worde isch niemer, aber s Auto het Totalschade. De Bahnvercher isch bis um Halbizähni beiiträchtiged gsi.