Bis und mit Tsischtig isch de Vercher uf de Ostsite vo de Hochbrugg vomene Verchersdienscht gregled worde. Am 15. Oktober isch dodebi e Sicherheitsaagstelti Licht verletzt worde.

De Hergang sig grundsätzlich unbestritten, schriibd d Kantonspolizei (Kapo) inere Mediemitteilig: Am Donnschtig, 15. Oktober 2020 um Halbizwöi am Namittag isch e 20-jährigi Automobilistin vom Schuelhuusplatz her über d Hochbrugg gfahre. D Lenkerin, wo ineme graue Mazda unterwägs gsi isch, isch vo de Situation überfordered gsi, wo d di Aagstellti vom Sicherheitsdienscht ihre es Haltezeiche geh het. Us dem Grund isch si witergfahre und het mit em Ussespiegel d Hand vo de Sicherheitsaagstellte touchierd. Di het sich dobedi lichti Verletzige zuezoge. De Hergang als solche isch zwar unbestritte, aber in de Zwüscheziit hend sich Unklarheite ergeh, wo d Kapo wot kläre. Sie suecht us dem Grund Augezüüge vom Vorfall. Di selled sich bi de Kapo z Bade (Tel. 056 200 11 11) melde.