D Liechtsignalanlag am Brückekopf Ost muess us Altersgründ ernoiered werde. Am 20. Oktober set di noi Anlag in Betribe goh.
In de letschte Täg hend mir Anfrage übecho, was uf de Ostsite vo de Hochbrugg mit de Liechtsignalanlag passierd sig. Mir hend bim Kanton nochegfröged und hend d Uskunft übecho, dass d Anlag us Altersgründ muess ersetzt werde. Wil au d Stahlelement saniert werded, hend au d Signaltafle müesse entfernt werde. Über de Tag isch en Verchersdienscht im Iisatz, am Abig und i de Nacht gelted d Siganlisatione uf de Stross. S beachte isch, dass ned d Haltelinie vom Liechtsignal für de Vortritt entscheidend sind, sondern d Haifischzäh direkt an de Iimündige.
Nach em aktuelle Terminplan sell di noi Anlag am 20. Oktober 2020 in Betrieb goh.