Am Mittwoch, 7. Oktober 2020 isch es bi Spreitebach zueme Selbstunfall mit Nachfolgekollission cho. D Autobahn het für de Iisatz vomene Rettigsheli müesse gsperrt werde.

Inere Mediemitteilig het d Kapo bekannt geh, was bim Unfall genau passiert isch. Öppe Zähvorzäh am Vormittag isch e 72-jährigi Automobilistin mit ihrem Subaru uf de A1 Höchi Spreitebach Fahrtrichtig Züri gege d Mittelleitplanke gfahre. Wo si wider het welle losfahre, isch en 41-jährige mit sim Auto in de Subaru innedätscht. Dodebi isch de 72-jährig Beifahrer vom Subaru schwer verletzt worde. Für de Iisatz voneme Rettigsheli het d A1 vorübergehend in beidi Richtige müesse gsperrt werde. D Staatsawaltschaft Bade het e Strofuntersuechig eröffned und bi beide Fahrzüüglenker e Bluetprob aagordned. Au de Führeruswiis hend beidi müesse abgeh. D Kapo bittet allfälligi Züüge, wo Aagabe zum Unfallhergang chönnd mache, sich bi de Mobile Polizei z Schafise (Tel. 062 886 88 88) z melde.