De Bundesrat het bschlosse, dass Telefonkabine nüm zu de Grundversorgig ghöred. Dodemit het d Swisscom d Möglichkeit alli Publifon gnennte Telefonkabine abzbaue. Am 28. November 2019 triffts di letscht und di stoht im Limmattal.
D Aazahl vo de Telefonkabine isch i de letschte Johr kontinuierlich zruck gange. Gmerkt het es aber fascht niemed. Denn wer bruuchd in Zite vo de Mobiltelefon no e Telefonkabine?
Zwüsche 2004 und 2016 sig d Aazahl vo de Gschpröch um 95% retour gange und 90% vo allne Telefonkabine i de Grundversorgig sigged defizitär, schribbd d Swissom. So het d Aazahl vo de Telefonkabine stetig abgnoh und sit de Bundesrot si us de Grundversorgig gschtriche het isch klar gsi, dass si bald ganz verschwinded. Vom ehemolige Höchschtstand vo 58’000 im 1995 wird am 29. November 2019 keini meh übrig si. Di letscht wird am 28. November 2019 demonitierd, het d Swisscom uf Aafrog vo Keystone-SDA mitteild. Si stoht a de Bruggerstross 164 nebem Kiosk im Badener Quartier Kapplerhof.