Am Mentig, 11. November 2019 isch en Autofahrer uf de Zürcherstross z Neuehof iigschlofe. Er het d Kontrolle über sis Fahrzüüg verlore und isch miteme Kandelaber und eme Gartezuun zämegstosse.

Wi d Kantonspolizei uf ihre Website mitteild, isch de 29-jährig Kroat vo Killwange her uf de Zürcherstross gfahre. Schints wil er iigschlofe isch, isch er immer meh vo de Fahrbahn abcho und uf de Höchi vom Hinterhagweg gege en Kandelaber gfahre und dann frontal in en Gartehaag. D Kapo het ihm de Fahruswiis zuhande vom Strosseverchersamt abgnoh. De Sachschade ligd öppe bi 20’000 Franke.