Di meischte werded sich dra erinnere, dass am 5. Mai 2019 z Killwangen en Maa umbrochd worde isch. D Kantonspolizei und d Staatsanwaltschaft sueched nach Aagabe über en graue Audi.

Bi de Ermittlige in Sache Tötigsdelikt z Killwange sind über 100 Persone befrogd worde. Uf ermittligstaktische Gründ cha d Polizei noch kei Aagabe zu de Ergäbnis mache, het aber en noie Züügeufruef gstarted. Konkret gohts um en PW, und zwar es älteres Modell vomene graue Audi-Kombi. Der isch in de Nöchi vom Tatorz, wi au vorher in de Umgebig vom Fästgländ z Schliire ufgfalle, wo das spötere Opfer vorher gsi isch.

Personen, wo Hinweis zu eme solche oder typähnliche Fahrzüüg in de Tatnacht vom 5. Mai 2019 zwüsche 1 und 4 Uhr z Killwangen oder im Ziitruum vo de Festivitäte am Vorabe i de Umgebig vo de Sporthalle Unterrohr z Schlieren chönnd geh, werded bete, sich bi de Kantonspolizei Aargau zmelde (Tel. 062 835 81 81).