Am Mittwoch, 28. Auguscht 2019 isch en Chauffeurin uf de A1 mit ihrem LKW z Schpreitebach i Fahrtrichtig Züri veruufalld. De Aahänger vom Camion isch nach ere Kollision mit de Leitplanke umgheit.
Di 54-jährig Schwiizeri, het gegenüber di Polizei aageh, churz iigschlofe und us dem Grund nach rächts vo de Fahrbahn abcho z si. De Aahänger het di rächt Spur blockiird, was zueme Stau gführt het. Am Fahrzüüg und a de Autobahnaalag isch en grosse Sachschade entstande, schriibd d Kantonspolizei inere Mediemitteilig.
D Polizei het ihre de Fahruswiis abgnoh und Ermittlige ufgnoh. Wil es Aahaltspünkt geh het, dass d Chaufferin gege s Alkoholverbot verstosse het, het d Staatsaawaltschaft Bade, wo d Ermittlige ufgnoh het, en Urin- und Bluetprob aagordnet.