S Projäkt, wo sit em Frühlig 2018 en engeri Zammenarbet zwüsche de Regionalpolizei Wettige-Limmattal und de Stadtpolizei Bade prüefd het, isch abgschlosse. Di beide Polizeikorps werded au in Zuekunft vernetzt zämmeschaffe.
D Vorständ vo de Regionalpolizei Wettige-Limmattal und de Stadtpolizei Bade hend im Frühlig 2018 bschlosse gha, e Zammenarbet vo de beide Polizeikorps z prüefe, erinnered d Gmeind Wettige in ere Mediemitteilig. S Ziel isch gsi, möglich Synergie und Effizienzsteigerige usfindig z mache.

Bsunders i de Bereich Verchersinstruktion, Beschaffig vo persönliche Usrüschtig, Fahrzüüg und Waffe het me es Synergiepotenzial feschtgschtellt und gnutzt. E vergliichbari Iisatzdoktrin und di guete Erfahrige bi de Badefahrt hend zeiged, dass e partnerschaftlichi Zammenarbet möglich und erwünscht isch. Au in Zuekunft wird es Fäll geh, in dene di Korps eng zämme schaffe, wi zum Bischpil im Auguscht 2020 aalässlich vo de Atmosphäre, em Fäscht zu 975 Johr Wettige.

Advertisements