Noiehof – Bewaffnet mit eme Messer het en Unbekannter am Fritig, 26. April 2019 e Modeboutique überfalle. D Polizei suecht Züüge.
Kurz nachdem d Gschäftsführeri vo de Boutique «Passione Moda» a de Albertstross z Noiehof geschter nach de Mittagspause de Lade ufgschlosse het, isch en Maa miteme Messer inne cho. Er het d Frau am Arm packd und gsaid, das sig en Raubüberfall. D Gschäftsführeri isch usse grännd und het gschraue. De Täter isch aaschlüssend gflüchted.
D Polizei, wo sofort alarmiird worde isch, het mit mehrere Patrouille nach em Täter gfahnded, ihn aber ned chönne fasse. Beschribe wird de Täter eso: 50- bis 60-jährige Ma, öppe 180 cm gross und mager. Sis Gsicht isch von d Sunne brüünd und vernarbt gsi. Er het e blaui Windjacke mit Kapuze, e dunkli Hose und e Sonnebrille aagha und Schwiizerdütsch gred.
D Kantonspolizei z Bade suecht Augezüüge (Telefon 056 200 11 11) wo de Maa vor de Tat oder uf de Flucht gseh hend.

Advertisements