Im Bezirk Bade stoht am 19. Mai 2019 de 2. Wahlgang vo de Wahl vomene Gerichtspräsident statt. Am 4. Mai finded dodezue es öffentliches Hearing statt.
Im erschte Wahlgang het de Christian Bolleter mit über 10’718 Stimme dütlich vor em Christian Fischbacher gläge, wo numme uf 6’325 Stimme cho isch. Wil es em Bolleter aber ned zum absolute Mehr glanged het, wo im erschte Wahlgang aber nötig wär, isch en zwöit Wahlgang notwendig.
Damit di no unentschlossen Wählerinne und Wähler di beide Kandidate chönnd kennelehre, veraastalted d Bezirksparteie vo beide, d EVP und d SP, gmeinsam es öffentliches Hearing.
Beidi Kandidate werded sich bim Hearing vorstelle und au bi Froge Red und Antwort stah. Moderiird wird de Aalass vom Norbert Stichert, FDP-Bezirkspräsident.
S Hearing finded am Samstig, 4. Mai um Halbizwölfi im Amtshimmel a de Rathusgass 3 z Bade statt.

Advertisements