Wettige – Am 11. April 2019 started di 14. Früehligmess für Baue, Wohne und Garte. D Mess goht bis am Sunntig, 14. April und finded trotz Saniirig im Tägi statt, nämli i de Sporthalle und im aagrenzende Gebiet.
Öppe 250 Fachfirmene sind bi de Früehligmess verträte und informiired d Bsuecherinne und Bsuecher a viir Täg über Wohn- und Gartetrends.
«Berotig und Riesenuswahl» isch s disjöhrig Motto vo de Mess.
Am Donschtig und am Fritig isch «Baue und Wohne» vom Eis am Namittag bis um Achti am Abig offe und am Samschtig und Sunntig vom Zähni am Morge bis um Sächsi am Abig. Am Donnschtig isch de Iitritt gratis, vom Fritig bis am Sunntig choschtet er 10 Stutz. Chind bis 16 sind in Begelitig vomene Erwachsene gratis.

Advertisements