Schpreitebach – Bi de Gmeindversammlig am 18. Juni 2019 stell de Gmeindrot an Kreditaatrag vo brutto 1.91 Millione Franke. Damit selle d Werkleitige für d Limmattalbahn parat gmachd werde.

Am 5. Mai 2015 het de Grossi Rot vom Kanton Aargau für de Bau vo de Limmattalbahn (LTB) de notwendig Kredit gschproche, erinnerd d Gmeind Schpreitebach inere Mitteilig. Au s Zürcher Stimmvolk het zwöimol Ja gsaid. Sit em 2017 isch di erschti Etappe bis Schliire in Bau und sell im September eröffned werde. Glichzitig wird denn de Bau vo de zwöit Etappe vo Schliire bis zum Bahnhof Killwange-Schpreitebach schtarte.

Für s Trassee sind uf em Gmeindbann vo Schpreitebach diversi Aapassige notwendig, u. a. müend Leitige und Strossebauteili verlegd und wo es zweckmässig isch, ernoiered werde. Vo de Bruttochoschte in Höchi vo 1.91 Millione Franke übernimmt d LTB 599’000 Franke, so dass d Gmeind Schpreitebach 1.31 Millione Franke als Nettochoschte blibe. Im Einzelne sind dodevo für de Strossebau und Veloabschtellplätz 611’000 Franke budgetiird, für d Elektrizitätsversorgig 51’000 Franke, d Wasserversorgig 465’000 Franke, d Kanalisation 85’000 Franke und für Eigeleistige öppe 100‘000 Franke. D Iiwohnergmeindversammlig wird de Kreditaatrag am 18. Juni 2019 vorglegd.

Advertisements