Dietike/Schpreitebach – Jewils über de Winter isch de Bruno Weber-Park gschlosse. Geschter isch d Parksaison 2019 eröffned worde.
Sit Samschtig, 6. April 2019 isch de Bruno Weber-Park wider offe. De begehbari Kunstraum mit sine öppe 15’000 Quadratmetern gilt als d gröscht Skulptureparkschöpfig i de Schwiiz vomene einzelne Künschtler. Göffned isch de Park jewils am. Mittwoch, Samschtig und Sunntig vom Ölfi am Morge bis um Sächsi am Abe. Au am Karfreitag (19. April), am Oschtermentig (22. April), am 1. Mai, a de Uffahrt (30. Mai) und am Pfingschtmentig (10. Juni). D Saison schlüsst mit em letschte Öffnigstag am Mittwoch, 30. Oktober 2019.