Aargauer Limmattal – De Kommandant vom Zivilschutz Wettige-Limmattal, de Ronald Rickenbacher, isch zum Vorstandsmitgliid vom Schwiizerische Zivilschutzverband gwählt würde. Er isch dete noi Chef vo de Technische Kommission (TK).
Am letschte Fritig, 29. März 2019 isch d Generalversammlig vom Schwiizerische Zivilschutzverband im Grossrotsgebäud z Aarau gsi. D Versammlig het de Ronald Rickenbacher eistimmig i de Vorstand vo dem nationale Verband gwählt. De Präsident vom Verband, de Nationalrot Walter Müller het mit de Wort gratuliird: «Mir zähled uf dini fachkundigi Unterstützig.» Wi eigentli immer, isch de Ronald Rickenbacher voll motiviird für sini noii Zuesatzufgab und het aakünd, d Interesse vom Zivilschutz mit Liib und Seel z verträte.
Di noi Ufgab, wo de Kommandant vom Zivilschutz Wettige-Limmattal als Chef vo de TK übernoh het, umfassd d Füehrig vo de TK, wo us Fachspezialischte bestoht, wo sich um d Organsiation und d Durchfüehrig vo Fachveraastaltige, de Behandlig vo Vernehmlassige uf nationaler Ebeni und witeri zivilschutzspezifischi Froge kümmered.


Advertisements