Noiehof – Nach Aagabe vo de Kantonspolizei Aargau (Kapo) het en 67-jährige Automobilischt uf de Chrüzig bim Autobahnaaschluss zu de A1 es Rotliecht überfahre. So isch es zuere Kollission mit em korrekt entgegekommende Fahrzüüg cho.
De Uufallverursacher sig vo Wettige her Richtig Noiehof unterwägs gsi, schriibd s Badener Tagblatt. Uf de Chrüzig bim Autobahnaaschluss zu de A1 het er es Rotliecht überfahre. Deshalb isch sis Auto mit em entgegenkommende Fahrzüüg, wo vonere 37-jährige Frau gschtüüred worde isch, zämmegschtosse. D Frau isch bim Uufall licht verletzt und zur Kontrolle ins Spital brochd worde. Beidi Fahrzüüg sind schwer beschädiged worde, so d Kapo.