Am Samschitg, 30. März 2019 isch d Earth Hour gsi. Au Limmattaler Gmeinde hend sich beteiliged, aber lang ned alli.
D Earth Hour gits sit em 2007. Uf Aaregig vo WWF Australia hend Schtädt aagfange aneme Tag im März für ei Schtund d Strossebelüchtig und di vo öffentliche Gebäud und Sehenswürdigkeite uszschalte. Au Privat chönnd sich dra beteilige.
Im Rahme vo de WWF Earth Hour schalted i de Zwüscheziit tüüsigi Städt rund um d Wält für e Stund d Belüchtig ab. Im Limmattal sind i dem Johr nebe de Stadt Züri au Wettige, Bade und Ännetbade beteiliged gsi.
Gmeinsam mit de andere Städt uf de Wält het me so es Zeiche für de Schutz vo oisem Planeten welle setze.

Advertisements