Am Sonntig, 8. Januar 2023 am Morge het d Kantonspolizei uf de A1 bi Noiehof e Vercherskontrolle duregfüehrt. Vier Automobilste hend ned dörfe witerfahre und en föifte isch spöter z Koblenz am Zoll aaghalte worden.

Bi ere Grosskontrolle uf de A1 hat d Kapo 16 Fahrzüüg genauer aaglueged. Vier vo de Automobiliste hend ned dörfe witerfahre, zweine devo isch de Führerausweis sofort aberkannt worde. De Grund isch bi allne de Alkoholpegel gsi, bi eme 19-jährige zudem de Verdacht uf Drogekonsum. D Staatsaawaltschaft het e Bluet- und Urinprobe aagordnet.

Eis vo dene vier Fahrzüüg isch spöter no einisch aaghalte worden: Öppe um 9i am Morge isch en Notruef bi de Polizei iigange, dass es Fahrzeug in de Region Klingnau wege de unsichere Fahrwiis uffalld. S Auto isch dann am Gränzübergang Koblenz aaghalte worde, wo sich zeiged het, dass das Fahrzüüg scho z Noiehof kontrolliert worde isch. De dete alkoholisiert Fahrer het aber mit em Biifahrer de Platz gwächselt gha, aber au bi dem isch de Alkoholtest positiv usgfalle.