Am Fritig, 22. Juli 2022 het en Autofahrer z Spreitenbach mehreri Kollisione verursacht. Er isch betrunke gsi.

Es isch churz nach de 9i am Abe gsi, wo mehreri Aawohner de Polizei gmelded hend, dass en Automobilist mehreri Auto grammt het und witergfahre isch. Bim McDonalds het ihn dann e Drittperson am Witerfahre chönne hindere.

D Polizei isch dann uf en 39-jährige Maa gstosse, wo betrunke gfahre gsi isch, zum Goh poschte. Schints het er au no e Gartemuur, e Gartehecke und en Inselschutzpfoste verwütscht.

D Staatsaawaltschaft het e Strafuntersuechig iigleitet und e Bluetprob aagordnet.