Hend ihr scho einisch während de Predigt welle Zwüschefroge stelle, wil ihr öppis anderscht gseh hend? Oder wil ihr öppis ned verstande hend? De Urban Priol macht das …
Am Sonntig, 27. März 2022 um Viertelabzähni am Vormittag chunnd de dütsch Kabarettist Urban Priol in die reformiert Chile z Nussbaume zum Gottesdienscht. Er wird nochefroge, widerspreche, und z ergründe versueche, ob d Chile eme moderen kritische Geischt eigentlich öppis z biete het. De Pfarreri Kristin Lamprecht falld debi d Ufgab zue, di Froge ufzneh und z beantworte.
D Idee für de Gottesdienscht isch entstande, wo d Kristin Lamprecht im Fernseh en Biitrag vom Urban Priol glueged het, wo er said, er würdi bi Gottesdienscht gern kritischi Frage stelle und es sig schad, dass das ned mögli isch. D Pfarrerin het ihn iiglade, damit er das einisch cha mache und er het spontan zuegsaid. Wege Corona het de Termn e paar mol müesse verschobe werde, aber am 27. März isch es tatsächlich so wit.