Z Gäbischtorf isch am Mentig, 21. Februar 2022 am Morge en Velofahrer vomene Lastwage überfahre worde. D Polizei suecht Züüge.

Wie d Kantonspolizei innere Mediemitteilig schriibd, isch de Unfall hüt am Morge öppe um Viertelvorsibni im Chreisel a de Landstrass passiert. De Velofahrer isch schints d Kinzigstrass abecho und isch dete unter unklare Umständ vomene Laschtwage, wo vo Richtig Brugg her cho isch, überfahre worde. De Lastwagefahrer isch witergfahre und het de Unfall muetmasslich gar ned bemerkt. Es isch zu dem Ziitpunkt no dunkel gsi und es het gstürmt und gregnet. De Velofahrer isch noch uf de Unfallstell verstorbe. In de Zwüscheziit isch es klar, dass es sich bim Verstorbene um en 36-jährige Maa us der Region handlet.
De Chauffeur oder d Chauffeuse vom Lastwage wird dringend gsuechd. Au anderi Augezüüge werded bäte, sich bi de Kantonspolizei z melde (Notruf 117 oder 056 200 11 11).

D Landstrass isch zur Ziit gsperrt. D Füürwehr leitet de Vercher um.