Z Schpreitebach isch innere Wohnig en toter und en schwerverletzter Maa ufgfunde worde. D Umständ, wo dezue gführt hend, sind no ned klar.

D Kantonspolizei Aargau het innere Mediemitteilig drüber informiert, dass sie am Samschtig, 12. Februar 2022 kurz ab de Nüni wege ere unklare Meldig mehreri Polizeipatrouille an d Bahnhofstrass z Schpreitebach usgrückt sind.

Innere Wohnig ineme Mehrfamiliehuus hend d Iisatzchräft dann en tote und en schwerverletzte Maa gfunde. De 55-jährig Schwerverletzti isch miteme Rettigsheli in es Spital gfloge worde und d Polizei het für d Ermittlige de Tatort grossrüümig abgsperrt. D Spuresicherig isch bis am Namittag gange.

Die genaue Umständ sind no ned klar, aber nach erste Erkenntniss handelt sichs bim Tod vom 74-Jährige um es Tötigsdelikt. D Staatsaawalt het es Straverfahre eröffnet.