Zwüsche Mitternacht und em frühe Morge het d Kantonspolizei Aargau bi Spreitebach uf de A1 d Geschwindigkeit gmesse. Zwöi Noilenker hend de Fahruswiis uf de Stell müesse abgeh, eine het en erscht sit 10 Tag gha.

D Aargauer Kantonspolizei (Kapo) schriibd in ere Mediemitteilig, dass si uf de A1 zwöi Schnellfahrer gestoppt het.

Bi ere Gschwindigkeitskontrolle miteme Radargrät, isch um Viertelabdrü am Morge en BMW M5 mit 197 km/h unterwägs gsi. 120km/h währed erlaubt gsi. E Patrouille het de Wage chönne stoppe. Am Stüür vo dem gmietete Sportwage isch en 18-jährige Schwiizer gsi, wo sofort de Fahruswiis het müesse abgeh. Er het en erscht sit eme Vierteljohr gha.

Kurz druf isch en Mercedes mit 170 km/h gmesse worde. Au das Fahrzüüg het vonere Patrouille chönne aaghalte werde. Diesmol isch es en 18-jährige Mazedonier gsi, wo erscht sit 10 Täg sin Fahruswiis gha het. Au ihm isch er uf de Stell a gnoh worde.