Am 29. November 2020 stönd z Obersiggethal drü wichtigi Abstimmige aa. Es goht um es nois Schuelhuus, d Badi und de Stüürfuess.

S Stimmvolk muess wichtigi Entscheid Fälle, wo für di zuekünftig Entwicklig vo de Gmeind vo grosser Bedütig sind.

Am wenigschte Umstritte schint de Noibau vom Schuelhuus «Goldiland». D Schüelerzahle stiiged und d Schuelzimmer langed scho jetzt ned. Da isch de guet durchdachti Zweckbau, wo nebem bestehende «Goldiland» sell entstah, eigentli e Notwendigkeit.

D Sanierig vo de Badi isch im Iiwohnerrot vo Teil vo de SVP und de FDP abglehnt worde. D Gegner vo de Kreditvorlag meined, d Badi chönnd au biere Ablehnig vom Kredit witer offe blibe. De Gmeindrot gseht das anderscht, wil nur mit de Gnehmigung vom Kredit en Untersuech vo kritische Bauteil mögli isch und de Gmeindrot ned s Risiko vo tüüre Haftigsfäll cha und wot iigoh. (Es Interview mit em zueständige Gmeindrot wird folge.)

D Erhöchig vom Stüürfuess wird vo Site Parteie numme vo de SVP bestritte. Alle andere gsehnd d Notwendigkeit vo me Stüüriinahme, gits do – wi in andere Gmeinde au – en dütlich Aastig bsunders bi de Choschte im Gsundheitswese und de soziale Sicherheit.

Z Obersiggethal stoht dodemit em spannende 29. November vor de Türe.