Es isch no kein Monet her, da isch de Marcel Lang zum Nachfolger vom Valentin Schmid als Gmeindpräsident (Gmeindamme) vo Schpreitebach gwählt worde. Hüt teild d Gmeind mit, dass er per 8. Juni 2020 zruckträte isch.
Für Schpreitebach isch di Nochricht en Paukeschlag. Am 17. Mai 2020 isch de Marcel Lang zum Gmeindamme gwählt worde, nachdem er sit em 2018 als Gmeindrat tätig gsi isch. Jetzt teilt d Gmeind mit, dass er us gsundheitliche Gründ sin Rücktritt erklärt het. Er hetti müesse feschstelle, so zitiert ihn d Gmeind, dass er en höche Aaspruch an e suberi und gueti Umsetzig vo sine Ufgabe hetti, vo dene er het müesse feschtstelle, dass das userordentlich belastend sig. Us dem Grund het er sich zum Schutz vo sinere Gsundheit zum Rücktritt entschide.
Wann d Ersatzwahl wird stattfinde, isch no offe.