S Center for the Study of Language and Society vo de Universität Bärn suechd Dialektsprächer us bestimmte Ört i de Schwiiz. D Veränderig vo de Sproch sell dokumentiert und erforscht werde.

Es isch di gröscht Dialäkterhebig i de Schwiiz sit de Mitti vom 20. Johrhundert, wo sdats am Dureführe isch. Über 1000 Lüt selled befrogt werde und wil s drum goht, d Veränderig vo de Sproch chönne z dokumentiere, sind zwöi Altersgruppe gfröged. Di 20 bis 35-jährige und di 65-80-jährige.

Konkret suech sdats im Limmattal Lüt us Schpreitebach und Züri, wo folgendi Vorussetzige mitbringed:

  • Si sind zwüsche 20-35 Jahr oder 65-80 Jahr alt
  • Si sind in Schpreitebach oder Züri (do gseht me alli Ort) ufgwachse und hend de gröscht Teil vom Läbe dete gwohnt
  • Mindescht ein Ältereteil isch scho in de gliche Region ufgwachse
  • Schwiizerdütsch isch d Muettersprach und wird in de Familie gred.
  • Si reised pro Tag ned meh wi zwöi Stunde (beruflich und privat)

Wer d Vorussetzige erfülld und wot teilneh cha sich bi sdats mälde. S Interview goht öppe drü Stund und wird mit 100 Franke entschädiged.