Sit aafangs 2018 isch d Sandra Kohler Stadrrötin z Bade. Uf Ändi Mai tritt si zruck.

De Rücktritt vo de Sandra Kohler isch überraschend cho. Ned emol zwöiehalb Johr isch si im Amt gsi, wenn si Ändi Mai ihres Amt abgit. I de Mediemitteilig, wo si au uf ihre Homepage veröffentlichd het, schriibd si, dass si e längeri brueflichi Studiereis wot unterneh. D Froge, wo si ihre Reis dued widme, sind di nach verschidnige Forme vom gsellschaftliche Zämmeläbe. Was bruchds für es guets Zämmeläbe, wi verändereds sich, was cha jede und jedi defür mache… Si wot Länder, wi zum Bischpil Grossbritannie bereise und Initiative wi «Happy City» und «Transition Town» besser kennelehre. Di Studiereis sig wichtig für ihri persönlichi Entwicklig und ihri brueflichi Zuekunft und würd sich mit em Milizamt als Stadtrötin ned lah veriibare.
Us dem Grund het si ihre Rücktritt uf de 29. Mai 2020 bekannt geh.