Geschter, 14. Januar 2020 hend über 900 Lüt an de Gmeindversammlig z Schpreitebach teilgnoh. D Umzonig, wege dere di meischte cho sind, isch dütlich abglehnt worde.

So vil Lüt sind d Schpreitebach no nie zuere Gmeindversammlig cho. Si het sogar vom November 2019 uf de Januar 2020 und vo de Turnhalle i d Umwältarena müesse verschobe werde. Nach ere usfüehrliche Diskussion zu de Umzonig vo de Neumatt, wo fürs planti Bauprojäkt vo de Credit Suisse notwendig gsi wär, hend di Aawesende inere geheime Abstimmig s Projäkt Neumatt versenkt. 327 Persone hend für d Teiländerung vo de Nutzigsplanig, wo us de bisherige Iikaufszone e Wohn- und Iikaufszone gmachd hätti, 590 degege.

Di witere Gschäft sind uf dütlich weniger Interesse gstosse. Zum Schluss vo de Versammlig het de Gmeindamme Valentin Schmid nach 8 Johr sin Rücktritt us em Gmeindrot bekannt geh und zwar uf s Datum vo de Ersatzwahl.