D Zammenarbet im Neuehofer Gmeindrot sig schwirig, so het me s immer wider emol ghörd. Jetzt tritt Frau Gmeindamme und en witere Gmeindrot zruck.
Wi s Badener Tagblatt (BT) brichted, isch de Rücktritt vo de Susanne Voser (CVP) und em Andreas Muff (parteilos) uf d Ersatzwahl am 9. Februar 2020 uf d Situation im Gmeindrot zruckzführe. Au de Iibezug vo externe Berote hetti d Situation ned verbessered, heissts i de Online-Usgabe vom BT.
Di beide wend uf di Art di schwirig Situation hälfe löse und bedanked sich bi de umliegende Gmeinde, de Kommissione und de Verwaltig für di guet Zammenarbet.
Für d Ersatzwahl am 9. Februar 2020 cha me bis 44. Täg vor de Wahl, also bis am 27. Dezember 2019 aamelde.