Vor zwöi Monet het s Regionaljournal Aargau-Soloedurn gmeld, dass im Aargau in öppe 10 % vo de Trinkwasserprobe z vil Chlorothalonil isch. Zwöi Wasserfassige hend müesse vom Netz gnoh werde.
Sit em 2017 gilt Chlorothalonil als möglicherwis chrebseregend und de Bund het en Gränzwert für de Stoff feschtglegd. Sither sind vom Kanton Aargau 108 Grundwasserprobe analysiert worde. Bi zwöi Probe isch de noi Grenzwert, wo bi 0.10 Mikrogramm pro Liter Wasser ligd, um meh wi s zehfachi überschritte worde und de Kanton het dene Gmeinde empfohle, di beide Wasserfassige vom Netz z neh. Welli Gmeinde betroffe sind, het de Kanton ned welle bekannt geh. Insgsamt isch bi jede 10te Prob de Gränzwert überschritte gsi.
D Gmeind Schpreitebach het jetzt mitteild, dass de Chlorothalonilghalt vom Trinkwasser wit unterhalb vom feschtgsetzte Gränzwert isch.S Wasser chönni ohni Bedenke trunke werde, so d Gmeind.

Advertisements