Am Fritignomittag isch en 18-jährige uf em Fuesgängerstreife aagfahre worde. D Kantonspolizei (Kapo) suechd Züüge.
E Fuessgänger het am 14. Juni 2019 bim Bahnhof Killwnage ufeme Fuessgängerstreife vom Bahnhof her d Würeloserstross welle überquere, um zu de Bushaltestell z cho, schriibd d Kapo inere Mediemitteilig. Glichzitig isch es Auto vo de Bahnhofstross her in d Würeloserstross iiboge, het de 18-jährig aagfahre, so dass der uf de Bode gschlüdered worde isch. De Automobilischt het kurz durchs Wagefaischter mit em Fuesgänger gred, der isch aber devogloffe und mit em Bus heigfahre. Später isch er dann is Spital und het sich bi de Polizei gmeld.
S Auto isch es schwarzes Taxi gsi, de Fahrer öppe 40i, d Marke isch unbekannt. D Kapo Bade bitted de Fahrer und allfälligi Augezüüge sich z mälde (Tel. 056 200 11 11).