Immer wider schaffed es Limmattaler unter di Top-Wy vom Aargau. I dem Johr sind es grad drü, wo i de viir Kategorie gunne hend.
142 Wy sind i dem Johr zum Staatswy-Wettbewerb iigreicht worde, vo dene es 16i in de Final gschaffed hend, schriibd de Kanton Aargau inere Mediemitteilig. Damit het es pro Kategori je 4 Wy geh, wo vo de Jury bewerted worde sind. In de Kategorie Riesling-Sylvaner, Wissi Spezialitäte und bi de Rote Spezialitäte het jewils en Wy us em Limmattal s Prädikat «Staatswy» übecho, während i de Kategori Pinot Noir/Blaubugunder en Wy us Üeke gunne het.
D Siiger us em Limmattal, wo am 6. Auguscht am Aargauer Kantonstag bim Fête des Vignerons zämme mit allne Finalteilnehmer ihri Wy chönnd präsentiire, sind i de Kategori Riesling-Sylvaner d Lägere-Perle 2018 vo Steimer Weinbau us Wettige, bi de Wisse Spezialitäte en Chardonnay 2016 vom Weingut Jürg Wetzel us Ennetbade und bi de Rote Spezialitäte de Pinot noir «Signature» 2015 vo Wein & Gemüse Umbricht us Untersiggethal.

Advertisements