Würelos – Wi d Kantonspolizei Aargau (Kapo) melded, hend am Sunntig, 28. April 2019 zwöi Automobilischte ihre Führeruswiis uf de Stell müesse abgeh. Drü witere droht es spöters Fahrverbot.
D Strecki vo de Furttalchrüzig Richtig Otelfinge schint e beliebti Schnellfahrstrecki z si. Immer wider chunnds dete zu Uswiisentzüg. So au hüt am Namittag bi ere Gschwindigkeitskontrolle uf em Gmeindbann vo Würelos.
Mit em Lasermessgrät het d Kapo uf dere Usserortssträcki, uf dere 80 km/h erlaubd sind, e Fahrerin mit 125 km/h verwütscht und en Fahrer mit 121 km/h. Beidi hend uf de Stell de Fahruswiis müesse abgeh. Es bizeli glimpflicher deo cho sind zwöi Automobilischtinne und en Automobilischt, wo mit 114 bis 117 km/h gmesse worde sind. Si hend nach ere Verzeigig dörfe witerfahre. Aber au ihne droht en Entzug vom Führeruswiis durch s Strosseverchersamt.

Advertisements