Schpreitebach – D Bräusi-Vögel-Gugge spended bi de fasnächtliche Regiirigsübernahm jedes Johr en Betrag a de Gmeindrot, wo es an e wohltätigi Inschtitution witergit. So au i dem Johr.
D Spend inere Höchi vo 800.- Franke wird vom Gmeindrot uf Wunsch ve de Bräusi-Vögel em «Angelman Verei Schwiiz» überwise. De Gmeindrot danked inere Mitteilig de Gugge usdrücklich für di Spend.
De «Angelman Verei Schwiiz» unterstützt Chind und ihri Aaghörige, wo vom Angelman-Syndrom betroffe sind. Das isch en selteni Genbsonderheit uf em 15. Chromosom. D Folge sind e starchi Verzögerig vo de körperliche und geischtige Entwicklig und s Usbliibe vom Sprocherwerb. Di geistischtig Entwicklig vo de meischte Betroffene erreichd numme de Stand voneme Chlichind. Au als Jugendlichi und Erwachseni bruuched Betroffeni ständigi Betroiig.

Advertisements