D Regionalpolizei Wettige-Limmattal suecht de direkt Ustuusch mit de Bevölkerig. Zwüsche Juni und September isch si bi jedere Vertragsgmeind einisch mit eme Stand bim jewilige Gmeindhuus verträte.

D Idee vom «Bürgerdialog» isch im letschte Johr entstande, wo Aaghörigi vo de Regionalpolizei feschtgstellt hend, dass es Vorurteil udn teilwiis falschi Vorstellige devo git, wie d Polizei duet schaffe. Au het d Bevölkerig teilwiis Hemmige, Polizischtinne und Polizischte während de Polizeiarbet aazspräche. Au d Hemmige, bi verdächtige Ereignis d Polizei umgehend z informiere, sind feschtzstelle. Mit dem «Bürgerdialog» suechd d Repol bewusst de Kontakt zu de Iiwohnerinne und Iiwohner, beantwortrt Froge und stoht de Bevölkerig für ihri Aalige zur Verfüegig.
Nebem Abbau vo Hemmige wot d Repol au ufzeige, dass di lokal Polizeiarbet sinnvoll isch. Es sind bewusst Erwachseni aagschproche und es git keis Rahmeprogramm für Chind.

Das sind d Termin für d Bürgerdialög:

Samschtig, 27. Juni 2026:
10 bis 12 Uhr z Wettige, Rothuus
13.30 bis 15.30 Uhr z Schpreitebach, Gmeindhuus

Samschtig, 15. August 2026:
10 bis 12 Uhr z Bärgdietike, Gmeindhuus
13.30 bis 15.30 Uhr z Würelos, Gmeindhuus

Samschtig, 19. September 2026:
10 bis 12 Uhr z Noiehof, Gmeindhuus
13.30 bis 15.30 Uhr z Killwange, Gmeindhuus