De Regionalplanigsverband Bade Regio isch noi Mitglied vom Verein Metropolitanruum Züri. Das isch wege ere Statueänderig noi mögli.

Noi chönnd nebe Kantön, Städt und Gmeinde au Regione Vollmitglied vo de Metropolitankonferenz Züri werde. Die erschti regionali Körperschaft, wo das nutzt, isch Bade Regio. Au die bisherige Sub-Regione Frauefeld und Wil werded noi Vollmitglieder.

D Idee isch, mit meh Gmeinde e grösseri Reichwiti z erziele und im Metropolitanruum die regionali Ebeni z stärke. De Ustusch zwüsche de verschidnige Regione bringt en Mehrwert für d Witerentwicklig vom Ruum. Bade Regio isch di erschti Region, wo d Möglichkeit nutzt und isch mit allne 23 Gmeinde als nois Vollmitglied biiträte. Bisher sind numme Bade, Ännetbade, Noiehof und Wettige Mitglieder vom Verein gsi.