Bi eme Spurwächsel uf de Autobahn isch es zuere Kollission zwüscheme Auto und em Laschtwage cho. An beide Fahrzüüg isch en Sachschade entstande.
Am Mittwoch, 1. Februar 2023 isch churz vor de Halbisibni am Abe e Autofahreri uf de A1 Fahrtrichtig Bärn unterwägs gsi und het vom erste Überholstreife wider uf d Normalspur welle wächsle. Dodebi het sie schints en Laschtwage überseh, wo uf em Normlastreife gfahre isch. In de Folg isch es zuere Kollission zwüsche de beide Fahrzüüg cho. Verletzt worde isch niemed, aber beidi Fahrzüüg sind beschädiget worde. Wege de folgende Bergigisarbeite isch es zitwiis zu Verchersbehinderige cho.
D Kantonspolizei het d Unfallverursacherin bi de Staatsanwaltschaft verzeiged.