Wil de Roland Jenny Ändi Mai 2022 pensioniert wird, isch klar gsi, dass d Regionalpolizei Wettige-Limmattal en noie Kommandant bruuchd. De Gmeindrat Wettige het de Oliver Bär gwählt.

Uf de 1. April 2022 het de Gmeindrat Wettige de 45-jährig Oliver Bär zum Kommandant vo de Regionalpolizei Wettige-Limmattal gwählt. Er wird dodemit Nachfolger vom Roland Jenny, wo i de Ruhestand tritt.

De Oliver Bär isch ghürote und Vater vo zwöi erwachsene Chind. Sit 25 Jahr schaffed er bi de Kantonspolizei Aargau, wo er sit em 2007 Kaderaaghörige und zur Zit stellvertretende Dienstchef vom Fahndigs- und Aktionsdienscht isch. Er het Füehrigserfahrige in de Verkehrs-, Sicherheits- und Kriminalpolizei und het Polizistinne und Poliziste usbild. Im Nebeamt isch er 20 Jahr bi de Sondereinheit Argus gsi, au als Instruktor und Isatzleiter.