Am Fritigabe het z Züri e «Critical Mass» de ÖV und de MIV beiiträchtiged. Bis zu 10’000 Lüt hend teilgnoh.

Allewyl am letschte Fritig im Monet finded in öppe 300 Städt uf de ganze Wält e «Critical Mass» statt. Es isch e Demo, wo keini isch. Es git kein Veraastalter und dodemit au kei Verantwortlichi, wo dehinter stönd, sondern numme Lüt, wo gönd go Velofahrer. S Ziil isch, uf de Velovercher als Individualvercher ufmerksam z mache Dodebi bliibed d Velofahrer bienand, fahrend also innere grosse Gruppe dur d Stadt, was bi so e höche Aazahl Velofahrer, wi am 28. Mai z Züri, zwangsläufig zu Behinderige im Vercher füehrt. Wobi s Credo vo de «Critical Mass» isch : «Mir sind keis Hindernis für de Vercher, mir sind de Vercher.»

Für de ÖV und de motorisiert Individualvercher (MIV) het das am Fritigabe Folge gha. D Kolone isch, so said d Polizei, öppe um di Sibni am Abe, glichzitig am Rosegarte und bim Lochergut gsi, was e Längi vo de Kolone vo öppe 4 Kilometer entspricht. Chrüzige sind zum Teil fascht e halbi Stund blockiert gsi, au wil d Velo druf achte, dass kei Töff oder Auto zwüsche si chömmed. S nebe enand fahre, wo au zur ere «Critical Mass» dezue ghört, isch i de Schwiiz bi dichtem Velovercher und im Verband ab 10 Teilnehmende erlaubt.