Am Tsischtig, 25. Mai 2021 um Viertelvoreis isch es bi de Usfahrt s Noiehof zueme Selbstunfall cho. E Frau isch mit ihrem Campingbus gege e Muur prallt.

E Automobilistin us Dütschland het geschter am Mittag d Herrschaft über ihre Campingbus verlore, schriibd d Kantonspolizei (Kapo) inere Mediemitteilig. Si isch uf de A1 Richtig Züri unterwägs gsi und het plötzlich d Herrschaft über ihre VW California verlore. S Fahrzüüg isch gehe e Begränzigsmuur gfahre und isch dann zruck in d Usfahrt gschlüdered worde. Aaschlüssend isch er mit de Leitplanke pralld. Am Fahrzüüg hets en Totalschade geh.

En Ambulanz het di 40-jährig Frau für en Untersuech ins Spital brochd. Si isch unverletzt blibe, wie me dete feschtgstellt het. Vermuetlich isch es es medizinischs Problem gsi, wo zum Unfall gführt het. D Kapo het D Ermittlunge ufgnoh und het für d Frau, wo z Dütschland wohnt, es vorläufigs Fahrverbot für d Schwiiz usgschproche.