Provokatione uf de A1 bi Noiehof selled am Fritig, 16. April 2021 zuere Usenandersetzig z Lupfig gfüehrt ha. E Person isch licht verletzt worde.
Wi d Kapo in ere Mediemitteilig schriibd, het sich am Fritig gege di 10i am Abe en Automobilist bi de Kantonspolizei gmelded und het mitteild, dass er mit eim wyses Mercedes CLS uf de A1 Richtig Bärn unterwegs gsi sig, wo er vomene ebefalls wyse 7ner BMW mehrfach bedrängd worde sig. De BMW sell ihm dann hinterhergfahe si und – wi er – z Lufig d Autobahn verlah ha. Bi de Tankstell a de Loorstrass sig er dann zum Aahalte zwunge worde. Es hätti dann e tätlichi Usenandersetzig geh und er heig vo do lichti Verletzige.
Wi es genau zum Vorfall cho isch, isch no unklar. D Kapo het aber d Ermittlige ufgnoh. Zum wysse BMW und eme wyse VW Golf, wo ebefalls sell beteiliged gsi si, liiged kei witere Aagabe vor. Persone, wo Aagabe zu de Fahrwiis vo de Beteiligte oder de Usenanersetzig z Lupfig chönd geh, selled sich bi de Mobile olizei z Schafise (Tel. 062 886 88 88) melde,