Am Samschtig, 20. Februar 2021, churz vor de Vieri am Morge, het en 19-jährige d Herrschaft über sis Fahrzüüg verlore. Es isch miteme Verchersschild kollidiert.
Wi d Kantonspolizei inere Mediemitteilig schribd, het en Automobilist i de vorletschte Nacht mit sim Ferrari en Selbstunfall verursacht. En 19-jährige het us unbekannte Gründ d Herrschaft über en Ferrari F8 Tributo, wo meh wi 700 PS het, verlore, wo er z Noiehof Fahrtrichtig Bärn d Autobahn het welle verlah. Er isch miteme Verchersschild zämmegstosse und het gegenüber de Polizeipartrouille gsaid, er hetti eme Tier müesse uswiiche. Verletzt worde isch niemed. D Kantonspolizei het Ermittlige ufgnoh und s Fahrzüüg sichergstellt. Zudem het de Junglenker sin Führeruswiis uf Prob müesse abgeh.