Am Bahnhof Killwange-Spreitebach isch en Bankomat gsprengt worde. D Täterschaft isch uf de Flucht.

Hüt Nacht, am 23. Dezember 2020 öppe um 3 am Morge, het en Explosion am Bahnhof Killwange-Spreitebach d Aawohner ufgschreckt. Es isch en Bankomat gsi, wo en unbekannti Täterschaft gschprengt het, wi d Kapo Aargau innere Mediemitteilg schribd. Am Tatort isch es grosses Loch in de Ussemuur z gseh und Polizei het de Beriich für d Spuresicherig abgsperrt. De entstandene Schade isch erheblich, laht sich aber no ned beziffere, so d Kapo.
D Polizei het umgehend e Grossfahndig iigleitet, d Täter hend aber chönne flüchte. Nach erschte Erkenntnis isch Beute gross gsi, aber di genaui Höchi vom Betrag isch no unklar. D Kapo isch bis am Morge mit de Arbet am Tatort beschäftiged gsi. Wil es sich um es Sprengstoffdelikt handled, het uf Aatrag vo de Bundesaawaltschaft s Bundesamt für Polizei d Ermittlige übernoh.
D Kapo Bade suecht Augezüüge, wo verdächtigi Beobachtige gmachd hend. Si selled sich unter der Telefonnummere 056 200 11 11 melde.